Ang Akong Maipasigarbo

By: der Historiker

Dili man ako usa ka adunahan,
Nga nagatubod ang akong kahimanan.
Usa lamang ako ka tawo naay pagsalig,
Sa kaugalingon, sa isig ka ingon,
Ug sa makagagahom.
Ako man kay usa ka uyamot apan usa ako ka tawo,
Nga angay nga maipasigarbo ang kaugalingon.
Ako kay binuhat sa makagagahum,
Usa sa mga inila, sumusunod sa lahi ni Adan ug Eba.
Ako sama kaninyong usa ka tawo nga anaay pangandoy,
Gipanganak nga pareha ninyo, naay panlantaw.
Ang akong maipasigarbo lang ang akong kugalingon,
Nga walay buling sa pagkamadinaoton.
Unta makita ninyo, ang butang nga akong maipasigarbo.
Nga usa lamang ako ka tawo, pareha ninyo,
Naay gusto mahimo, makab-ot, ug usa sa tanan,
Naay pangandoy!

Original Version

Tagalog Translation